Israel palai ten UAE tlawh dawn

Israel leh United Arab Emirates (UAE) ten thawhdun an remtih hnuah, an inremna siamte tifel turin kar leh Thawhṭanni hian Israel national security adviser, Meir Ben-Sbabbat kaihhruain Israel palaite chu UAE-ah an zin dawn a, US President Donald Trump-a thawhpuiten an ṭawiawm ang. 

Israel prime minister Benjamin Netanyahu chuan hemi chungchang hi sawiin, August 13-a US hmalakna hmanga Israel leh UAE-in thawhdun an remtih thu an sawi hnua high-level meeting neih hmasak ber tur a ni. Inremna siam hi remti dun tawh mah se, ziahfel a la ni lo a, hei bak embassy hawng dan tur chung chang te, sumdawnna leh inzin pawh dan tur chungchangte pawh an la sawiho dawn a ni. 

UAE-a Israel palai turte hi White House senior adviser Jared Kushner, national security adviser Robert O’Brien, U.S. Middle East envoy Avi Berkowitz leh US official dangten an ṭawiawm dan a ni. Tel Aviv aṭangin Abu Dhabi an pan ang.