Raltlan mi 7000 chhanchhuak

Italy ram hruaitute chuan ni hnih chhungin Mediterranean tuipui aṭangin Europe-a kai tum raltlan mi 7,000 an chhanchhuak tih an sawi.

Zirtawpni khan mi 2000 chhanchhuah an ni a, Ningani khan mi 5000 lai an lo chhanchhuak tawh bawk. Heng raltlante hian lawnglêng leh lawng an hmuh ang ang an hmang a, an lawng hmana chuang an tam ṭhin avangin lawng chetsualna a thleng fo a ni.

Italy lawngte leh Doctors Without Borders pawlte chuan ṭum sawm li zet chhanchhuah hna thawk hian an feh chhuak a ni. Heng raltlan tam berte hi Libya
aṭanga chuang an ni a, Ningania lawng aṭanga raltlan an chhanchhuah zinga 1000 zette chu Libya hnaih tuipui
aṭanga an chhanchhuahte an ni.