Mipui ngaihdanah Trump aiin Clinton a sang

US-ah kumin Novem-ber thlaa president an thlan tura candidate tur pahnih - Donald Trump leh Hillary Clinton chung changah pawl pahnihin mipui ngaihdan an la a, hetah hian Hillary Clinton a sang zawk ve ve.

Washington Post leh ABC News tena ngaihdan an lakah hian 12% ngawtin Democrats aiawh tur Hillary Clinton hian hma a hruai a, a dinhmun hi nasa takin a kâng sang. Mipui ngaihdan lak hnuhnung berah kha chuan Trump nena an inthlauhna hi a chhe hle a ni. Mipui chhângtu zaa 51 zetin Clinton hi president atan an duh zawk a, Trump duhtu hi za zela 39 an ni.

Wall Street Journal leh NBC News tena poll an buatsaihah president atan Clinton duhtu hi za zelah 46 an ni a, Trump hi za zelah 41 a ni. Clinton hi hmeichhia leh hnam tlem zawkten an vote nasa. Mihang zinga zaa 85 chuan Clinton hi an duh a, 5% chauhin Trump an duh a, Latinos zingah zaa 69-in Clinton an duh a, 22%-in Trump an duh thung. Mingo pangngai zingah erawh chuan Trump hian duhtu a ngah a, Clinton duhtu 49% leh Trump duhtu 37% an awm.

Trump hi tunhnaia a thil sawi chhuah ṭhenkhat avanga a dinhmun hi hniam nia ngaih a ni. Tun hnai khan federal judge pakhat chu Mexican thlah a nih avanga thleibik leh duhsak bik neiah a puh.