Brexit European Commission president bâng turin an phut

British mipuiten European Union chhuah-san an duh thu vote hmanga an tihlan hnuah, European Union-a thuneihna kengtu ber, European Commission-a an president, Jean Claude Juncker chu bâng tura phut a ni.

Czech foreign minister Lubomir Zaoralek chuan Juncker chu Britain-in EU chhuahsan an rel chungchanga a mawh-phurtu ber zinga telah puhin bâng turin a phut. Zaorolek chuan, "Ka ngaihdanah chuan he dinhmun chelh tur hian ani hi a tling lo a ni. Britain thuthlukna chungchangah tu ber nge mawhphur ang tih hi kan zawt a ni," a ti.

Juncker hi a hriselna dinhmun ṭha vak lo anga sawi ni mah se, European Commission president
aṭanga bân a tum lo nia sawi a ni. Ani hi Luxem-bourg prime minister ṭhin a ni.

EU chuan a tira Bri-tain chhuak nghal thuai thuai tura an phut chu tlema tidanglamin, poli-tics-a buaina an tawh chhoh mek avangin EU chuan prime minister thar an neih hun thleng nghah nise an ti a, chutihrual chuan a theih anga ranga inthiar fihlim turin an duh.