Lebanon-ah thihchilh bomb a puak

Thawhṭanni zing lam khan Lebanon thingtlang khuaah thihchilh bomb a puak a, mi 5 an thi a, mi 15 aia tlem lo ten hliam an tuar.

Bomb tihpuahna hmun hi Lebanon khaw-chhak lama Qaa thingtlang khuaah a ni a, he khua hi Kristian khua a ni.

Qaa khuaa an mayor, Bashir Matar chuan mi paliten Qaa khua hi thihchilh bomb hmangin an bei tih a sawi a, hliam tuar zingah hian Lebanon sipai pathum an tel tih a sawi bawk. Hizbollah chanchinbu Al-Manar-in a tarlan dan thung chuan mi paruk an thi a, pawikhawihtute hi IS te niin a sawi bawk.