Spain-ah People's Party-in majority nei pha lo

Pathiannia Spain inthlanah Spain prime minister Mariano Rajoy-a party, People's Party chu majority a nei pha lo a, seat la tam ber erawh a ni.

Nikum December thla khan Spain hi an lo inthlang tawh a, tuman majority an phak lo a, party thawhdunna tur an siam thei lo bawk a, sorkar inṭawm siam a nih avangin kuminah inthlan a ngaih leh phah a ni.

Parliament-a seat 350 awmah, People's Party hian seat 137 a la a, nikum khan seat 122 an la thung. Spain-a socialist party, PSOE chuan seat la hnem berin, seat 85 an la a, Unidos Podemos chuan seat 71 lain, Ciudadanos chuan seat 32 an la.

Mariano Rajoy chuan an party-in seat an lakhnem ber lawm avanga mipui pungkhawm hmaah, "Inthlanah kan chak a, sorkar kan siam ngei ka duh a ni," a ti.