IS kut aṭangin Fallujah lak let a ni ta

Iraq sipaite chuan Pa-thianni khan IS kut aṭangin Fallujah khaw pumpui chu an la thei ta. He khua lalet tur hian May 23 aṭang khan beihpui thlak a ni.

Iraq prime minister Haider al-Abadi chuan Iraq sipaiten Fallujah khaw pumpui an lak thu hi Pathianni tlai khan a puang chhuak a ni.

Kum 2014-a IS ten beihpui an thlak khan Fallujah hi Iraq khawpui liante zinga an lak hmasak berte zinga mi niin, Bagh-dad aṭanga mêl 40-a hla, khawthlang lama awm a ni. Islamic State te hian he khua hi an hmunpui berah hmang a ni. Fallujah laklet hi Mosul khawpui lalet tura Iraq sipaite inbuatsaihna a ni.

Firfiakte beitu zinga an hotu, Iraq sipai, Brig. Gen. Abdel Wahab Al Saadi chuan Fallujah lalet tura inbeihnaah hian IS raldo mi 1,800 vel an kaphlum niin a sawi.