Retheihna avangin naupang mtd 69 an thi dawn

United Nations hnuaia naupang lam enkawltu chuan, kum 2030 khi chuan retheihna avangin khawvel hmun hrang hrangah naupang maktaduai 69 an thi dawn a, heng zinga a tam ber thih chhan tur hi dan theih a ni, a ti.

UN children’s agen-cy chuan naupang thi tur maktaduai 69 zinga a zatve aia tam mah hi Sub-Saharan Africa, Africa hmar lam, Sahara thlaler leh a chhehvel rama mite an ni ang a ti a, naupang maktaduai 247 te chu an damkhawchhuah nana an mamawhte chhuhsak an ni a ti bawk.

Report tarlanah chuan kum 2030 khi chuan Sub-Saharan biala naupangte hi ram changkanga naupangte aiin kum nga an tlin hmaa an thih theihna a let 10-in a tam zawk dawn tih a tarlang. Khawvel ram retheia naupangte an damkhawchhuah theih nana thil pawimawh tak chu zirna a ni tih report hian sawiin, mahse kum 2011 aṭang khan school kal lo hi a kum telin an pung a ni. A bikin Sub Saharan Africa bialah hian kum 2030 khi chuan naupang awm zawng zawng zatve vel zet chuan primary school pawh an kal pha dawn lo a ni.