Brexit. Britain leh EU inlaichinna sawizui duh lo

Brussels-a EU hruai-tute inhmuhkhawm mekah, Germany, France leh Italy te chuan Britain hi EU aṭanga a inlak chhuah fel hma chu EU leh Britain inlaichinna chungchang sawiho tawh loh an duh.

Heng EU ram hruai-tute hian Britain chu a theih anga ranga EU aṭanga inla chhuak turin an duh a ni. EU nena inlaichinna neih dan tur chungchang pawh EU Article 50-na anga EU aṭanga a inlak chhuah fel hnuah chauh sawi theih niin an sawi a ni. Britain hian EU an chhuahsan hnua EU nena insumdawnna kawnga an inlaichin dan tur thlirna an duh a ni. German chancellor Angela Mer-kel, France president Fran-cois Hollande leh Italian prime minister Matteo Renzi te chuan Bri-tain hian EU aṭanga chhuahna tur a thlen fel hma chu sawiho tawh loh an duh.

Hetihlai hian Bri-tish prime minister David Cameron chuan September thlaa amah thlahtu tur an zawn hma chu Britain hian inlakhran tihpuitlin hi a kalpui mai rih loh tur thu a sawi. Cameron hian nimin khan Brussels hi panin, European Comission hruaitu Jean Claude Juncker te, European Council hruaitu Donald Tusk te a hmu a ni.

Hetihlai hian Septem-ber thlaa David Cameron tlak a nih hun atan amah thlaktu turah thumum a la awm thei lo. Thawhlehni khan British health secretary, Jeremy Hunt chuan prime minister ni tura invawrh chhuah chungchang a ngaihtuah thu a sawi.