Bomb-in Restaurant bei

Nizan hmasa khan Malaysia-a Selangor state-a Puchong district-a restaurant-ah grenade bomb vawm luh a ni a, thi an awm lo a, mi pariatin hliam an tuar.

Restaurant an beih hi Movida restaurant a ni a, police-te chuan firfiaka chetna lam aiin sumdawnnaa inerna emaw, inhmelmakna avanga thleng zawk nia an ngaih thu an sawi. Restaurant-ah hian Euro 2016-a Italy leh Spain inkhelh laiin bomb hi vawm luh a ni. Police-te chuan, "Mi pariat an hliam a, hliam zinga mipa pakhat chu a dinhmun a ṭha lo hle," an ti.

Hetianga inbeihna hi kum 2014 khan Kuala Lumpur-ah a lo thleng tawh a, hemi ṭum hian Malaysian pa pakhat a thi a, mi 13 ten hliam an tuar. Hliam tuar zingah hian Singapore mi, Thai leh Chinese khualzin te an tel.