Thlawhtheihna chetsual chhanah firfiakte ring lo

May thlaa Egypt khual-zin phur thlawhtheihna, EgyptAir ta, Airbus A320 chetsual chhan chhui mekah, France chuan firiakte chetna niin a ring lo.

French thuneitute chuan thlawhtheihna chetsualnaah khan firfiakte chetna hnuhma hmuh a nih loh thu an puang. Prosecutor's office thu-paungtu, Agnes Thibault-Lecui-vre chuan chhui chian zel a nih thu sawiin, French thuneitute chuan he thlawhtheihna chetsual chhana firfiakte puh ngawt chu an ngaihdan a ni ber lo tih sawiin, chhuichianna hi kalpui mek zel a ni a, ngaihdan lo siam ngawt theih erawh a ni lo tih a sawi.

He thlawhtheihna hi EygyptAir ta ni mah se, France-a siam a ni.

Thlawhtheihna chetsual chhan hriat theihna ber tur nia ngaih, black box te chu hmuh a ni a, mahse a chhiat nasat deuh avangin Egypt lam chuan France-ah siamṭhat turin an thawn a, Thawhṭanni khan France a thleng. France-a thlawhtheihna chetsual chhan chhuitu BEA chuan he black box-a data recorder pahniha pakhat zawk chu an siam ṭha thei tih an sawi a, hei hian an hnuichhuina kawngah nasa takin a pui dawn a ni.