Bexit UK chhuah chhan - Freedom Movement

Thawhlehnia Brus-sels-a EU hruaitute inhmuh-khawmnaah British prime minister David Cameron chuan EU aṭanga Britain-in chhuah a duhna chhan chu Free-dom Movement vang hi a ni a ti.

Cameron chuan Britain mipuiten chhuah an duh chhan ber chu Europe-a pem lutte thunun theih loh khawpa an lo tam tak vang a ni tih a sawi. EU innghahna pawimawh tak chu EU member rama mite chu an member-pui ram khawiah pawh awlsam taka an kal a, hna an thawh a phalsak a, an va awmna ram miten khawtlang leh damdawi lam thlenga hamṭhatna an dawn angte pawh an dawng thei dawn a ni. Europe-a raltlan lutte pawh an luhna rama an inziah luh tawh chuan ram danga kal a hasa tawh lo a ni.

EU Summit a tel hnuhnun berna turah hian Cameron chuan EU hruaitute chu Britain nena ei leh bar leh insumdawn tawnna kawnga inzawmna ṭha an neih zelna tur chuan freedom of movement dan hi an siam ṭhat a ngaih thu a sawi. Hei bakah hian ramriah lut chhuak venhimna ṭha awm lo leh thununna ṭha awm lo chu Britain-in EU a chhuahsan chhan ber a ni a ti bawk.

Cameron chuan Freedom of move-ment dan hi siam ṭhat emaw ennawn a nih loh chuan EU member ram
ṭhenkhatte pawh hian referendum an duh ve zela a ring a ni a ti.