Philippines president atan Duterte lalut

Ningani khan Rodrigo Duterte chu Philippines president 16-na tura lakluh a ni. Lakluhna inkhawm≠ah hian sawm bik mi 600 an tel.

President atana lakluh inkhawm≠ah hian Duterte-a fa naupang ber chuan an chhungkaw Bible kengin, Bible chunga kut nghatin Dueterte hi Supreme Court justice hmaah an ram constitution a venghim ang tih tiamtirin lakluh a ni.

Lakluh inkhawmah hian Duterte chuan, "Ka sorkarna hnuaiah danglamna tak tak a thleng ang," a ti a, "He ram pumpui tana rawngbawl turin president-ah thlan ka ni. Mi pakhat chauh ni loin mi tin rawng ka bawlsak ang," a ti. Duterte hian presidential campaign lai aṭanga a lo sawi tawh, ruihhlo leh ngawlveinate doin theihtawp a chhuah dawn tih a sawi leh.

Duterte hian a campaign lai hian pawikhawihtute leh ruihhhlo zuara tawlh rutute chu kahhlum an nih ṭhin tur thu a sawi a, mahse lakluh inkhawmah hian, "President thiltihtheihna leh thuneihna hian tawp chin a nei a ni," a ti a, "Mahse khawi nge dan hmaa dik tih leh dik lo tih ka hria a ni," a ti.

Philippines president-a thlan tharte hian lakluh an nih ni hian Manila khawpuiah kawng an zawh ṭhin a, mahse Duterte chuan hetianga tih hi duh loin, Malacanang presidential palace-ah president lakluhna thu a tiam thung. Duterte chuan kawngzawha presidnent lakluh buatsaih kher hian traffic a ti-jam-in mipuiteah harsatna an thlen mai mai a ni a ti.

Duterte hi kum 1945, March 28-a piang a ni a, Philippines chhim lam, Mindanao lam chhuak a ni a, Mindanao lam chhuak, Philippines president hmasa ber tur a ni.