N. America ram hruaitute inhmukhawm

Nilaini khan North America-a ram lian pathum, USA, Canada leh Mexico ram hruaitute inhmukhawmin, economy lama hmasawnna tur an sawiho.

North American Leaders' Summit hi National Gallery of Canada, Ottawa, Canada-ah neih a ni a, Canada prime minister Justin Trudeau, US president Barack Obama leh mexico president Nieto ten heng ram pathum thawhho dan tur te, ram pathumte ei leh bar leh sum leh paia hma an sawn dan turte an sawiho a ni.

North America-ah hian mihring maktaduai 530 an awm a, an economy hi khawvel pum gross domestic product hmun lia ṭhen hmun khat a tling. Kum 2015 chhung khan heng ram pathumte insumdawn tawnna hi USD trillion 1 zet a tling. Kum 20 chhungin heng ram GDP pawh hi a lÍt thawkin a ṭhang a, kum 1993 khan heng ram pathumte GDP hi USD trillion 8 aṭangin kum 2015 kha chuan USD trillion 20.6 zet a tling a ni.