Russia-in thudelhkilh neiin Assad thlak a remti

Kremlin official chuan Syria presidnet Bashar al-Assad paihthlak chu Russia chuan thudelhkilh neiin a remti tih a sawi a, Assad paihthlak hnuah Syria sorkar chu a tlusawp tur a ni lo a ti.

Ram dangten nawr na viau mah se Russia chuan Assad chu a thlawp zel tih Kremlin official chuan a sawi. Hemi chungchangah Russia rama British ambassador lo ni tawh Sir Tony Brenton chuan muanna dik a awm theih nan Assad hi paihthlak ngai ta se, Russia chuan thil phut pahnih a nei a, a thil phut chu tihhlawhtlin a nih dawn chuan Assad-a thlak hi a remti dawn a ni a ti.

Brenton chuan, "Russia hian thudelhkilh a nei a, Assad hi a nihna aṭanga a inhnuhdawh hnuah, Islam ruhkawlten an thlak dawn lo tih a hriat chian phawt loh chuan Assad-a thlak hi a remti dawn lo a, a dang lehah chuan Syria-a Russia leh a thawhpui pawlte leh Russia sipai hmunte chu a awm zel a, an kal zel thei ngei dawn tih a chian phawt a ngai bawk," a ti.