Turkey-in mitthite a sun

Nilaini khan Ataturk ṭumhmun beih a niha nunna chnte s˚nna hun Turkey sorkar chuan a hmang. Mitthite s˚n nan hian Turkey hian an hnam puanzar chu a ngul chanveah a zar.

Thawhlehnia Ataturk ṭumhmun beih a nih khan mi 41 ten nunna an ch‚n a, thi zingah hian ram 12-a mi te telin, chung zingah chuan Saudi Arabia, Iraq, Tunisia, Iran, Ukraine, Jordan leh Uzbekistan rama mite pawh an tel a ni. Hliam 239 zet an awm a, chung zinga 109 te chu damdawi in aṭanga chhuahtir an ni tawh.

Turkey chanchinbu ten an tarlan danin Ataturk ṭumhmun beih a nih hma ni 20 kalta khan Turkish intelligence te chuan Islamic State ten beihna a awm hnaih mai theih thu an lo tichhuak tawh a, an beih mai theih hmun tarlan zingah hian Ataturk ṭumhmun pawh hi a lo tel tawh a ni.

Turkey prime minister Binali Yildirim chuan pawikhawihtute kha tute nge an nih hrechiang turin an bei mek zel tih a sawi a, IS te rinhlelh ber an ni tih a sawi bawk. Pawikhawihtute chanchin hriat belh zel a ni a, khang mi pathumte kha taxi pakhat hmangin Ataturk ṭumhmun hi an thleng tih hriat a ni. Nilaini chawhnu khan Turkey-a firfiakte beilettu pawl chuan Istanbul-a rinhlelhte chenna hmun pahnih dap a ni a, lehkha pawimawh tak tak an man niin an sawi.