Russian hacker chanchin hrilh thei hnenah dollar mtd 3 pe dawn
US sorkar chuan Russian hacker, Evgeniy Bogachev man a nih theihna atana a chanchin hrilh theih hnenah lawmman, dollar maktaduai 3 a pek tur thu a sawi.
Bogachev hi Russia ram chhungah a awm mek nia hriat a ni tih FBI chuan a sawi. Nikuma US-a cybercrime lian ber, dollar maktaduai 100 chuang rukna thlengah Bogachev hi inhnamhnawiha puhin a lakah hian thubuai thehÂluh a ni tawh a ni.
Russia leh US hian an mi mante inthawn tawn turin inremna an siam loh avangin Bogacheve hi Russia ramah man ni mah se, US-a thawn mai theih a ni lo ang.
Bogacheve, 'lucku12345' leh 'slavik' tia hriat lar bawk hi GameOver Zues attack network neitu nia puh a ni a, computer maktaduai khat chuang zet tihchhiatsak tawh a ni.
Nikum khan FBI chuan Bogachev hi thubuai siamsakin, FBI most wanted cyber-criminal zingah a telh.