Inkahhai zawm theih chuan ralthuam lakir dawn

Ukraine sorkar chuan an ram khawchhak lama inlakhran tuma hel leh sipaiten inkahhai an puan chu zawm a nih chuan sipaite ralthuam chu lakkir a ni dawn tih a sawi.

Sorkar thupuangtu, Andriy Lysenko chuan, "Helte hi inkahhai puan hi ni hnih chhung an zawm phawt a ngai a, hei hi an ti thei a nih chuan ralthuamte hi kan lakir ang," a ti.

Helho chu inremna an siamte bawhchhiaah a puh a, a hmaa inkahhai thu­thlung an lo siam tawh pawh a bawhchhe hma­saah an ṭang zel niin a sawi. Inremna an siam thar hnuah helhoin an ralthuam­te an lakir nia sawi chu chhangin, Lysenko chuan thu dik lo a nih thu leh, helte chuan an insiamrem zawk niin a sawi.

Hetihlai hian helpawl lam hotu, Eduard Basurin chuan inkahhai puanna tura inremna an lo siam tawh angin, sorkar sipaite nena an inbeihna aṭang chuan ralthuamte pawh an lakir ṭan tih a sawi thung.