2020 ah NKorea-in nuclear ralthuam 100 a nei tling dawn

North Korea chuan a nuclear program a tilian zel a, hei vang hian kum 2020-ah chuan nuclear ralthuam 100 a nei tling hman dawn niin US researcher-te chuan an sawi.

Thla 15 chhung NKorea nuclear program an zirchianna result a tihchhuahah, Johns Hopkins University-a US-Korea Institute hotu, Joel Wit chuan an thil hriatchhuah ṭhenkhat chu a lawmawm lo hle tih a tarlang bawk.

NKorea nuclear program chungchang hi hriat­chian tak theih a ni lo a, mahse tunah hian nuclear ralthuam hi 10-16 vel a chhekkhawl tawh nia rin a ni.