Afghanistan-ah vur tawlhin mi 124 chhilh hlum

Afghanistan ramah vur tawlhin mi 124 a chhilh hlum.

Afghanistan hmar­chhak lam, Panjshir Valley-a vur tawlh hian chenna in 100 vel a chhilh a, heng ina awm­te hi a chhilh hlum ta niin

Natural Disaster Management Authority deputy director, Mohammad Aslam Syas chuan a sawi.

Chhiat thlenna hmun­ah hian chhan­chhuah hna thawktute tirh nghal an ni a, vurin a chhilhte hi zawn mek niin thi zat pawh an punchhoh rin a ni. Tual­chhung mi 300 velin chhanchhuah hna thawktute hi pui mah se, hmanrua an neih ṭhat tawk loh avangin an thawk chak thei lo a ni.

Panjshir Valley hi Afghanistan khawpui, Kabul aṭanga km 100 vela hlaa awm a ni. Mahse tlang lian tak pahnih paltlang a ngaih vang leh, a panna kawngpui hi pakhat chauh a awm avangin kalpawh a harsa hle nia sawi a ni.