NKorea-in lawng hming a thlak
North Korea shipping company chuan ralthuam a phurh ṭhin vanga hrekna a tawh mek pumpelh tumin a lawng hming a thlak nia sawi a ni. Hemi chungchang hi UN Security Council chuan a chhui zui.
Report hi NKorea hrekna chungchang zirchiangtu expert panel siam a ni a, an report-ah hian Ocean Maritime Management (OMM) chuan a lawnglian 14 zinga 13 hi nikum khan a hming a thlak a, a neitu nihna chu shell company hnenah a sawn bawk niin a sawi. Hei vang hian heng lawngliante hi UN blacklist-ah an awm tawh lo a, hei hi a thlak chhan ber niin report chuan a tarlang.
NKorea hrekna hi siam ni mah se, a nuclear leh missile program kaihhnawih hmanruate chu lakluh a la tum chhunzawm reng nia sawi a ni.
UN-in hrekna a siam hnuaiah, NKorea hi ralthuam lian tham a lakluh leh hralhchhuah reng reng khapsak a ni.