Austria-in 'Law on Islam' a pass

Austria Parliament chuan Islam pual bika a dan siam, 'Law on Islam' a pass a, he dan hnuaiah hian an rama Muslim pawlte chu ram pawn lam aṭanga ṭanpuina sum an dawn khapsak an ni.

Muslim pawlte chu ram dang aṭanga sum an dawn khap an nih bakah, Austria Muslim anga pawl dinte chu sorkara inhriattir tur leh, Koran pawh standardised German translation kher hmang tura tih an ni bawk.

Dan thar hi a ram mipui tam zawk, Roman Catholic mite chuan an sawisel a, mahse Muslim pawl liante chuan an pawm thung.

Foreign Minister, kum 28 mi Sebastian Kurz chuan, "Austria rama Muslim-te chuan ramdang amite'n an thunun leh an kaihruai theih maia awm turin kan duh lo a ni," a ti.

Austria ramah hian Muslim nuai nga vel an awm a, hei hi a ram mipui awm zat aṭanga 6% vel a ni. An zinga tam zawk chu Turkey aṭanga hnathawk tura lutte an ni.

Austria rama Islam pawl lian ber, IGGio chuan sorkar dan siam thar chu an pawm thu a sawi a, mahse a youth arm chuan a duh lo thung.