Iraq-a US airbase beihnaah hliam tuar awm

Iraq-a US sipai hmun, Ain al-Assad-a mi chu August 5, 2024 , Thawhṭanni khan rocket hmanga beih niin US sipai mi leh sa panga in hliam an tuar.

Ain al-Assad base hi Iraq khawthlang lama awm niin rocket pahnih hmanga beih a ni a, rocket pakhat zawk base chhungah a tla niin an sawi. Helai hmun hi US sipai kaihhruai ṭangrual pawl inkhuarna hmun pawimawh tak a ni.

Iraq security official chuan al-Assad a US hmun beihna hi an puang chiang tawh a, mahse eng pawl mahin an tih a nih thu an la sawi lo thung. US defence lam chuan inbeihna thlenna hmuna an sipai leh thawktu awm mekte zingah harsatna lian tham tawk an awm leh awm loh an enfiah mek tih a sawi.

US sipai leh a thawhpuite awmna hi rocket hmanga beih leh mai a hlauhthawnawm thu US defence thupuangtu chuan a sawi. Hemi rual hian thla eng emaw zat liam ta aṭang khan Iran leh Syria-a US hmun chu ralthuam leh thil dang hmanga thuam chak a nih thu a sawi lang bawk.

Iraq rama ṭangrual pawl, Islamic Resistance Iraq chuan Gaza Strip-a Israel leh Hamas-te inbeihna thleng mekah, US in Israel tana ṭanpui a pek ṭhin chu an duh loh thu an sawi tawh a, an duh lohna lantirna atan hian America sipaite chu bei letin, Iraq rama an inkhuarna aṭanga inhnuhdawh tir vat an tum tih an sawi.