France President-in Philippines-a thlipui tlehna hmun a tlawh

France President Francois Hollande chuan nimin khan thlipuiin na taka a nuai, Philippines rama Guiuan a tlawh.

President Hollande hi Philippines ramah ni hnih a cham ang.

Nimin khan Philippines khawchhak lam tuipui kama awm, Guiuan khuaah Hollande hi a kal a, he khuaah hian mi 50,000 vel chengin, thla 15 liamtaa thlipuiin a nuai vanga chhiatna hrang hrang an tawhte aṭanga indinthar leh tumin an bei mek a ni.

Guiuan hi Super Typhoon Haiyan tuartu zing a mi niin, he thlipui hi khawmuala thlipui tleh tawh zinga na ber a ni. Thlipui tleh vang hian Philippines ramah mi 7,350 in nunna an chan a ni. Thlipuiin thil a tih­chhiatte dinthar leh turin kum eng emaw zat a ngaih bakah, dollar tluklehdingawn tel a ngai dawn a ni.