Iran-in an mi man 29 khai hlum

Iran-chuan August 7,2024 Nilaini khan nikhat thil thuah mi 29 an khaihlum niin Iran Human Rights chuan a tarlang. An khai hlum zinga mi 26 chu Tehran khawpui pawn, Karaj-a Ghezzelhesar lung-in tang an ni a, a dang pathumte hi Karaj city lung-ina tang an ni.

Tang tih hlum hi tualthah, ruihhlo kaihhnawih leh pawngsual thubuaia thiam loh chantirte an ni a, an zingah hian Afghanistan ram mi pahnih an tel.

US-a Human Rights Activists News Agency (HRANA) leh Center for Human Right in Iran (CHRI) chuan Karaj-a mi 29 te tih hlum an nih thu hi an puang chiang tawh bawk.

Human rights group-te chuan Iran hi an dem hle a, China tih lohah chuan ram anga kum khat thil thua mihring ti hlum tam ber an ni. International Health Regulation(IHR)-chuan Iran hian kumin chhungin mi 345 a ti hlum tawh niin a sawi. Tun ṭuma nikhat thil thua mi 29 a khai hlum leh hian President thar, kar liam ta maia lak luh , Masoud Pezeshkian kaihhruaina hnuaiah mi tih hlum chu a tlak hniam tir phah lo tih a ti lang chiang hle a ni, a ti.