UNSC member nghet loah atan Italy tling ve leh

UN General Assembly chuan Ningani khan Italy chu kum hnih chhung atan UN Security Council member ni turin a thlang ve leh a, hemi hma hian Bolivia, Ethiopia, Kazakhstan leh Sweden-te chu thlan tlin an lo ni tawh bawk.

Member 15 awmna UNSC-a member nghet ram panga - Britain, China, France, Russia leh United States an awm a, a dang 10-te chu member nghet lo niin, kum hnih term atan thlan ṭhin an ni. Member atana thlan tlin ram panga-te hian kumin December 31-a an term tawp tur, Angola, Malaysia, New Zealand, Spain leh Venezuela-te an thlak ang a, anni bakah hian member nghet lo dang Egypt, Japan, Senegal, Ukraine leh Urugauy-te an awm bawk. UNSC member atana thlan turte hian UN General Assembly-a vote thlaknaa vote 123 aṭangin hmun thuma ṭhena hmun hnih tal an hmuh phak a ngai a ni.