Istanbul beitute chhui zui zel

Turkey official-te chuan tunkar tir lama Istanbul khawpuia thihchilh bomb tipuaktu, Islamic State (IS) mi leh sa nia hriat mi pathumte chu an chhui chiang zel a, heng mite hi Russia, Uzbekistan leh Kyrgyztan mite an ni tih an hre tawh niin an sawi.

Thawhlehni zan khan Europe-a airport lun ber pathumna, Istanbul airport chu firfiakte hian bomb leh silai hmanga beiin, mi 42 an that a, mi dang 239 in hliam an tuar bawk. He pawikhawihna hi kumina Turkey rama ni khat thil thua pawikhawihna thleng rapthlak bera ngaih a ni.

Turkey police-te chuan pawi≠khawihna thleng kaih≠hnawihah hian mi 13 an man tawh a, an zinga pathum chu ram dang mi an ni. Police special force te chuan khawpui chhung hmun 16 an dap tawh bawk.

Yeni Safak chanchinbu chuan airport beihnaa a ruahmantu ber hi Chechen mi, Akhmed Chatayev nia rinhlelh a nih thu a tarlang. Chatayev hi UN sanction list-ah pawh IS pawl hruaitu zinga mi, Russia ṭawng hmang firfiakte training pe ṭhin niin, Russia thuneitute pawn man tuma an zawn mek lai a ni.