Myanmar-in ram pekkir chhunzawm tum

Myanmar-a Nay Pyi Taw Council chuan thla ruk chhung ngeiin ram laksakte pekkir leh a tiam.

Nay Pyi Taw Council Chairman Dr Myo Aung chuan Zeyarthiri khuaa ram hectare 85.69-a zau a neitu dik tak hnena pekkir an ni leh hnuah he thu hi a sawi a ni

Myanmar rama sipai sorkar lai khan mimal ram eng emaw zat chu laksak a ni a, heng zingah hian Ministry of Information newspaper building leh printing house sakna tur atan lak hectare 130 chuanga zau te, Ayeyawaddy bialah hectare 2,500 chuang leh Mandalay bialah hectare 445-a zau te a tel. Mahse sorkar thar chuan mimal ram laksakte hi pekkir leh vek a tum a, June thla khan Ayeyawaddy biala hectare 2,500-a zau chu a neitu dik takte hnenah a lo pekkir tawh a ni.