China-in Communist Party din champha lawm

China rama rorellai, Communist Party din champha vawi 95-na chu nimin khan an ram pumah an lawm.

China President Xi Jinping chuan Beijing-a Great Hall of the People-a thu a sawiah, China ram hruai turin Communist Party chu thlan a ni a ti a, mahse an party chu mumal taka an kal loh a, mipuite aw an ngaihthah chuan paihthlak an ni mai dawn a ni, a ti.

Xi Jinping chuan Communist Party tana hlauhawm ber chu hlemhletna a ni tiin, eirukna leh hlemhletna laka fihlim vek turin party mi leh sate a chah. Hei bakah hian China ram himna tiderthawng thei leh Taiwan-in independence a tumna dang turin theihtawp an chhuah zel tur thu a sawi bawk.

Xi hian kum thum kaltaa President dinhmun a chelh aṭang khan eirukna umbo tumin theihtawp a chhuah nghal a, sorkar mi pawimawh eng emaw zat chu eiruk kaihhnawihah thubuai siamsak leh man an ni tawh a ni.