Berlin-ah nawrh huaihawt phal lo

Covid-19 chungchanga sorkarin khuahkhirhna dan a siam duh lohna lantir tura kar tawpa nawrh huaihawt tumte chu Berlin-a thuneitute chuan an phalsak lo. 

August 1 khan German khawpui Berlin-ah hian nawrh huaihawt a lo ni tawh a, kha mi ṭum khan mipui kalkawm tam zawk chuan hmaituamna an hmang lo a, social distancing pawh an zawm ṭha lo hle a ni. Nawrh huaihawtte hian sorkarin khuahkhrirhna dan a siam chu mimal dikna leh zalenna inrahbeh sakna nia sawiin an duh lo a ni. 

Naktuka nawrh huaihawt an tum, thuneituten an phalsak tak loh vangin court lamah zualko an tum nia sawi a ni. Nilaini khan Germany-ah Covid-19 hri kai thar mi 1,576 an awm thu disease control center chuan a tarlang. Hei vang hian sorkar chuan inkhuahkhirhna dan chu a siam thar leh a, mahse sorkar thupek hi mi tam tak an sawisel. 

Kumin kumtira Covid-19 hri a darh ṭan lai khan Europe ramte zinga Germany hi hri leng hluarna hmasa zingah a tel. An rama hri kai tawh zat hi mi 2,39,000 an tling tawh a, heng zinga mi 2,14,233 chu enkawl dam tawh niin thihpui hi mi 9,352 an awm tawh a ni.