Australia-ah sorkar siam thei awm lo

Australia inthlan result kimchang tihchhuah la ni lo mah se, party mala sorkarna siam thei an awm dawn lo.

Australian Electoral Commission (AEC) chuan electorate hrang hrang aṭanga result kimchang hre tur chuan thla khat zet a ngai dawn niin a sawi a, mahse result tlangpui chu Nilaini hian hriat theih beisei a ni.

Party lian pahnih, Liberal party leh Labor party hruaitute chuan minorty sorkar siam theih tumin indepen≠dent MP-te inbiakna an neihpui ṭan a, sorkarna an siam theih an beisei thu an sawi ve ve a ni.

Prime Minister Malcolm Turnbull chuan result kimchang an hriat hun≠ah a kaihhruai ṭangrual pawl chuan sorkar an siam thei ngei dawn niin a sawi a, Australia mipuite beisei ang sorkar ngialnghet an siam dawn tih a sawi.

Seat 150 awmna House of Re≠presentative-ah hian sorkar siam turin member 76 neih tlin a ngai a, rorellai Liberal/National ṭangrual pawl hian seat 65 nei tawhin, Labor Party hian membe 67 a nei tawh a ni.