UK police-ten thu zawhfiah turin Israel politician ko

United Kingdom (UK) police-te chuan kar kalta khan Israel politician Tzipi Livni-i chu war crime kaihhnawihah thu zawhfiah turin an ko.

Livni-i hian Ningani khan police-te hnen aṭang hian lehkha a dawng a, mahse Israel leh UK aiawhten inbiakna an neih hnuah police-ten an kohna hi cancel a ni ta niin Israel media report chuan a tarlang.

UK police-ten an kohna chhan hi kum 2008-2009 a Gaza buaina thleng kaihhnawih thil a ni a, hetih hunlai hian Livni-i hi foreign minister leh deputy Prime Minister a ni.

Palestinian activist-te chuan Gaza buaina thleng vang hian Israel official eng emaw zat lakah complaint an thehlut a, an zingah hian Livni pawh a tel. Kum 2009 khan UK chuan Livni manna thupek hi a tichhuak a, hei hian Israel leh UK inkar boruak pawh a tichhiat phah a, Livni hian London a tlawh tum pawh a ṭhulh phah a ni.

Kum 2008-09 a Gaza Strip aṭanga rocket hmanga Israel chhimlam beih a nih chhan let nan Israel chuan Gaza-ah beihpui a thlak, he beihpui thlak hi Operation Cast Lead tiin a vuah. Hemi ṭuma an inbeihnaah hian Palestinian mi 1,400 leh Israel mi 13 an thi.