Ebola hri leng vangin Sierra Leone VP dah hrang

Africa khawthlang lam, Sierra Leone ramah chuan hun eng emaw chen Ebola hri vei thar an tlakhniam hnuah, tun hnaiah hri vei thar hmuhchhuah an pung chho leh.

Sierra Leone vice president Samuel Sam-Sumana chu a bodyguard pakhat Ebola hri vanga a thih hnuin, venthawn thilah midang tlawhpawh lo turin ni 21 a indah hrang nghal.

Ebola hri leng vang hian mi 10,000 dawn an thi tawh a, Guinea, Liberia leh Sierra Leone-te chu hri len nasatna ram an ni.

Sam-Sumana chuan ama hriselna chu a ṭha a, natna leh thil rinhlelhawm tur engmah a neih loh thu a sawi a, mahse a dinhmun enfiah a nih hma chu ama thu ngeiin inkhunghran a tum tih a sawi.