SKorea President-in thupha chawi turin Japan a phut

South Korea President Park Geun-Hye chuan Japan ram hruaitute chu Indopui II na hunlaia Japan sipaite'n nawmchenna atan Korean hmeichhia tam tak an man avanga thupha chawi turin a phut leh a, thupha chawina hun an nei tlem tawh tih a sawi.

Indopui II hunlai khan Japan sipaite hian nawmchenna atana hman turin hmeichhia 200,000 vel zet an man nia sawi a ni a, heng zinga a tam zawk hi Korea mite niin, China, Indonesia leh Asia ram dang amite pawh an tel.

SKorea President chuan Japan sipaite chetdan avang hian thupha chawi turin Japan hruaitute a lo nawr fo tawh a, Pathianni khan sipaite kut tuartu, nungdama awm pawh an tlem sawt hle tih a sawi. Park-i chuan, "Nungdama la awm hi mi 53 chauh an ni tawh a, kum 90 bawr vek an ni tawh a ni. Heng mite hnena an zahawmna pekir leh turin Japan chuan hun a nei tlem tawh a ni," a ti.