Peru minister hlui Urresti tualthah thubuai siamsak

Peru minister hlui, Daniel Urresti chu kum 1988 November thlaa journalist that tura thupek siamah puhin thubuai siamsak a ni a, thiam loh chantir a nih chuan kum 25 thleng lung in tantir theih a ni ang.

Army general hlui, Daniel Urresti hi Interior Minsiter a nih lai chuan Peru ram political hruaitu lar ber pawl a ni pha. An puhna lakah hian a fi­hlim thu leh, politics-a an beihna a nih thu a sawi.

Journalist Jugo Bus­tios chu Peru rama mi­hring dikna palzut a nih dan chhui laiin thah a ni. Tualthah thubuaiah hian sipai pahnih chuan thiam loh chantir an ni a, pakhat zawk hian Urresti hi an inhnamhnawih thu a sawi.

Bustios hi national magazine Caresta correpondent a ni a, sorkar sipai leh Shining Path helte inbeih nasatna hmun, Huanta khuaah a thawk. Kum 1988 November thla khan silaia kah a ni a, kah a nih hnuah grenade puakah a thi zui a ni.