Congress-a thu sawi turin Israel PM-in US a thleng

Republican hruai­tu­te'n an sawm angin Is­rael Prime Minister Ben­jamin Netanyahu chu Cong­ress-a thu sawi turin nimin khan US a thleng.

Netanyahu hian Iran nena nuclear deal siam a duh lohzia a sawi dawn a, inremna siam chuan Iran-in nuclear bomb a siamna tur a dang tak tak dawn lo a ni, a ti. US President Barack Obama nen pawh an in hmu lo ang. Netanyahu hian nimin khan US-a Jewish group lian ber, American Israel Public Affairs Committee hmaah thu a sawi.

Vawiin-a Congress-a thu sawi tura Republican hruaitute'n Israel PM an sawm hi Democrats lam an thinur hle a, member eng emaw zat chuan a thusawinaah hian tel an tum lo tih an lo sawi tawh. Iran President thupuangtu, Hamid Abutalebi chuan Congress-a Israel PM thusawi hian Israel leh US inkar kak a tihzauh phah dawn a, hei hi Iran chuan a hlawkpu dawn thung a ni, a ti.