Musharraf-a'n Pakistan sorkar ṭhiat turin a ngen

Pakistan President hlui, Pervez Musharraf chuan Supreme Court hnenah an ram sorkar chu ṭhiat turin a ngen a, Prime Minister Nawab Sharif chu ram enkawl zo loah a puh.

PM Sharif-a hian a kaihhruaina hnuaiah Pakistan-in hma a sawn tiin dik lo takin ngaihdan a siam tlat a ni, tiin kum 71 mi, sipai hotu hlui Musharraf-a chuan a sawi.

Pakistan rama sorkar ṭha a din a nghahhleh thu leh, eng mi pawh nise sorkar ṭha din tur an nih chuan a pawm theih thu a sawi. Ram danpui chu an ram ṭhanna daltu a nih dawn chuan siamṭhat mai pawh a ṭha zawka a ngaih thu Musharraf chuan a sawi bawk.