Russia-in remna an pawm chuan Ukriane-in a rûn ṭhin tihtawp a tiam

Ukraine chuan Russia-in indona ti tawpa, remna siampui a inpeih a nih chuan Russia ram an run chu tihtawp a tiam. Hemi bakah hian Russia ram, an thuhnuaia an dahte chu inremna an nei thei a nih chuan awp zui an tum lo tih Ukriane chuan a sawi bawk.

Ukriane hian Russia ramchhunga beihpui a thlak chu chhunzawm zelin August 14, nimin khan Belgorod hmun chu bei leh a, Belgorod governor chuan emergency puangin Ukriane beihna vangin dinhmun khirh takah an ding niin a sawi. Ukraine president Volodymyr Zelensky leh sipai hotu Oleksandr Syrsky chuan Thawhlehni thleng khan Russia ram 40 square kilometer an thunun tawh thu leh khaw 74 an la tawh tih a sawi.

US president Joe Biden pawhin Ukriane in ramri kana indona an kalpui avang hian Russia chu a buai phah hle niin a sawi. Ukriane hian kar liam ta Thawhlehni aṭang khan Russia ram chhungah lutin Kursk region chu a bei ṭan a, hei vang hian Kursk region-a cheng Russian 1,20,000 chuangin an chenna hmun an chhuahsan tawh a ni.