North Korea-in a ramri a hawng leh ta

Africa khawthlang lama leng mek, Ebola hri hlauh vanga North Korea-in thla nga chhung a ramri a khar chu nimin aṭang kha official-in a hawng.

North Korea-a khaw­thlang lam khualzinte hruai ṭhintu, Young Pioneer Tours manager Troy Collings chuan ramri hawn a nih thu hi thuneitute pawhin an nemnghet tawh, a ti.

Khawvela ram tlawhpawh lo berte zing a mi, NKorea hi Ebola hri lenna hmun aṭang hian mel sang tela hlaa awm a ni a, mahse heti chung hian an ram hruai­tute chuan he hrileng hlauh vang hian hun rei tak chhung ramri an khar a ni. Ebola hri leng vang hian mi 9,000 chuang an thi tawh.

Nikum October thla aṭang khan NKorea ramri hi khar a ni tawh a, hei bakah hian an rama foreign worker leh diplomat-te chu venthawn thilah ni 21 chhung dah hran niin, embassy compound aṭanga an chhuah khap a ni.

Collings chuan ramri hawn a nih leh tak avangin ni reilote hnuah khualzin hruai hna pawh ni reilote hnuah an chhunzawm leh thei dawn tih a sawi.