Iran-in a nuclear plan a sawifiah a ngai : IAEA chief

International Atomic Energy Agency (IAEA) chief Yukiya Amano chuan nuclear program kalpui meka Iran puh a nih chungchanga zawhna hrang hrang awmte chu chhangin, Iran sorkar chu a insawifiah a ngai a ni, a ti.

Yukia Amano chuan AIEA in a enfiah kher ngai loin Iran chuan a zawhnate chu a chhang mai thei zawk a ni, a ti a, mahse zawhnate hi Iran hian a chhang duh kher ang em tih erawh a hriat loh thu a sawi.

Iran-in nuclear program a kalpui mek nia sawi chungchangah, IAEA thil hriat duhte chu a la hrilh lo nia sawi a ni. IAEA leh Iran thawhdunna siamṭhat a nih theihna atan hian thla hmasa khan Amano hian Iran official-te hmuin, meeting pawh a lo neihpui tawh a ni.

Kum 2013 November thlaa Iran leh ramdangte'n inremna an siamah chuan Iran laka hrekna lekkawh mek hlih ṭhen a nih theihna atan Iran chuan nuclear program chu a titawp ang tih a ni. Khaw­thlang ramte chuan Iran nuclear program titawp tur hian an phut reng a, hetihlai hian Iran chuan ralthuam siamna atan ni loin, energy siamna leh a muanawm zawnga a kalpui thu a sawi thung.