China-in WWII champha-ah parade a huaihawt dawn

China chuan Indopui II tawp ni champha vawi 70-naah military parade buatsaih a tum a, he huna tel tur hian indonaa inhnamhnawih ram hrang hrang hruaitute a sawm.

Military parade, reception leh tlai lama intihhlimna hun hman turte chu President Xi Jinping-a'n a hmanpui dawn tih Foreign Ministry thu­chhuak chuan a tarlang.

Indonaa tel ram hrang hrangte sawm an nih bakah China hian a chhehvel ram hruaitute pawh sawm a tum a, mahse a sawm turte ram hming erawh a la sawilang lo.

Foreign Ministry thu­chhuah chuan, "Indopui II tawpna ni hriatrengna puala hun hman tur hian mitinte hnenah muanna hlut zia a hriattir a, hun rapthlak tak hi a thlen nawn tawh lohna tura theihtawp chhuah tura fuihtu ṭha tak a nih kan beisei," tiin a sawi. Indopui hunlai khan China mipuite chuan an tuar nasa hle tih a sawi bawk.