China Defence budget 10% a tihsan a ni dawn

China chuan kumin atana a defence budget chu kum hmasa lam aiin 10% a tihsan a tum a, high-tech equipment lamah investment tihlen a tum.

Rorellai, National People's Congress thupuangtu Fu Ying chuan nimina chanchin thar lakhawmtute a kawmnaah defence budget tihsan a nih tur thu hi a sawi a, sum dah zat tur chu vawiin-a parliament annual session ṭan hunah puan a ni ang. Kum 2014-a defence lama sum sen hi a kum hmasa aiin 12.2% in a lo sang tawh bawk.

China hian a sipaite thuam chakna tura a sum hmanral dan hi a puangzar ngai lo a, mahse mithiam­te chuan kumin budget thar hnuaiah hian tuihnuai lawnglian leh, aircraft carrier-te lei leh thuam chakna tur telh a ni ang, an ti.