UNSC-in South Sudan hrek a remti

United Nations Security Council (UNSC) chuan Thawhlehni khan South Sudan ram hrekna tur resolution a siam.

UNSC resolution-ah hian South Sudan official ṭhen­khatte zin veivahna tura khapna siam te, an thil neih khawih chet theih loha dahsakte a tel a, heng mite hi South Sudan rama remna leh muanna tichhe zawnga che nia puh an ni.

Hrek tur zingah inbeihnaa tel tura naupangte hma­tawnga hmang ṭhin helpawlte pawh telh an ni.

Council member ram tin aiawh awmna committee din a ni dawn a, he committee hian South Sudan hrekna siamte chu a taka kalpui a ni em tih enfiahin ni 60 chhungin UNSC-ah report an thehlut ang.