US-in Houthi leh Hezbollah bitumin hrekna thar a siam

United States Treasury department chuan Iran bungraw phurtu nia an puh company, mimal leh bungraw phurtu hrang hrang lakah Ningani khan hrekna thar a tichhuak. Heng mite hian Iran bakah Yemen leh UAE aṭangin Houthi tan tuialhthei an pe ṭhin niin an sawi.

US-in hrekna thar a siamsakte hian Iran thlawp helpawl, Houthi leh Hezbollah-te chu sum hmangin an ṭanpui ṭhin niin US treasury chuan a tarlang. Sa'id al-Jamal's network chuan Red Sea-a Houthi helpawlin bungraw phur lawng a beihna atan sum hmangin a ṭanpui ṭhin tih an tarlang.

Hezbollah-in a hman ṭangkai, Hong Kong-a inkhuar ship manager leh operator bakah tanker eng emaw zat US hian a hrek bawk. Heng company leh bungraw phurtute hi Hezbollah chuan ram danga tuialhthei thawn chhuah nan a hmang ṭangkai ṭhin a ni.

US treasury department official, Bradley Smith chuan hrekna an siam thar hi Iran-in a chhehvela helpawl sum hmanga a ṭanpui ṭhin tihtawp an tumna kawnga hmalakna a ni tih a sawi. Houthi leh Hezbollah ṭanpui tute chu hrem an ni zel dawn tiin financial institution leh sumdawng dangte chu a vau nghal bawk.