N Korea-ah Canada pastor man a ni

Canada pastor Reverend Hyeon Soo Lim (60), North Korea rama midangte ṭanpui hna thawka a zin chu man a ni.

Reverend Lim hi January thla tawp lam khan NKorea-ah hian a kal a, a thlen hnu aṭang hian a chin hriat a ni lo.

NKorea hian an rama ramdang mi lutte chu a man fo a, an ram chhungah hian sakhaw lam rawng­bawlna kalpui a khap avangin sakhaw rawngbawltu eng emaw zat man an awm tawh a ni. A bikin US lam mi an mante chu an hreng rei bik ṭhin.

Rev Lim-a kohhran, Ottawa-a Light Korean Presbyterian Churh chuan an pastor chu agriculture leh midangte ṭanpui hna thawk peih tak a nih thu sawiin, Rajin bialah nursery leh fahrah naupang enkawlna a siam thu an sawi.