Ukraine hnena ralthuam thawn turin President Obama ngen a ni
US lawmaker-te chuan Ukraine hmarchhak lama inlakhran duha helte nena inbei mek, Ukraine sipai tana ralthuam thawn turin President Barack Obama an ngen.
President Obama hnena lehkha thehluha hming ziakte hi Republicans leh Democrats hruaitu eng emaw zat an ni a, an zingah hian Republican House Leader John Boehner pawh a tel.
Lekha an thawnah hian Ukraine-a helte chet dan chu international law palzutna a ni tiin, tun hnaia inkahhai an puan pawh helpawlte hamṭhatna tur mai zawk a ni, an ti. Ukraine leh khawthlang ramte chuan Russia chu helpawlte puiah an puh a, mahse an puhna hi Russia chuan a pha thung.
Ukraine sorkar laka hel leh sipaite inbeihna avang hian Ukraine khawchhak lam, Donetsk leh Luhansk bialah mi 6,000 vel an thi tawh a, mi tam tak chu himna zawngin hmun dangah an tlanchhe bawk.