Israel PM laka lungawilote'n Tel Aviv-ah kawng an zawh

Israel Prime Minister Benjamin Netanyahu laka lungawi lo Israel mi tam takin kar kalta Inrinni khan Tel Aviv-ah kawng an zawh.

Mipuite chuan March 17-a an ram inthlanpui neih hunah PM hi thlak tawh ngei tura an duh thu an sawi.

Police-te chuan kawng­zawha tel zat hi offi­cial-in an sawilang lo a, mahse media lam chuan mi 30,000 vel niin a tarlang. Kawngzawhte hian an thupui atan, 'Israel in inthlak danglam a duh tawh' tih an hmang.

Kawngzawhnaa a khai­pa ber chu Mossad hotu hlui, Meir Dagan a ni a, ani hian tun hnaia PM Netanyahu rorelna kalphung hi a lo sawisel fo tawh a, 'Israel tana chhiatna nasa tak thlentu' tiin a sawi hial a ni.

Mipui pungkhawmte hian Netanyahu chu a rorelnaah a hlawhchham a, chawl tawh mai tura an duh thute an aupui a ni.

Dagan chuan, "Benjamin Netanyahu hi kum ruk chhung Israel Prime Minister hna a chelh tawh a, he mi chhung hian Israel siamṭhatna kawngah hma lakna tak tak a nei lo a ni," a ti.