Malaysia eptu hruaitu chhuah an phut

Malaysia eptu hruaitu, a mipatpui mutpuia puh a nih avanga kum nga chhung tang tura hrem, Anwar Ibrahim chu jail aṭanga chhuah tura phutin Inrinni khan amah thlawptu mipuite Kuala Lumpur-ah kawng an zawh.

Kawngzawh hi Anwar-a chhungte'n an kai­hruai a, Anwar-a chhuah tura a phut thu an sawi bakah Prime Minister Najib Razak bang tura an phutna thute an aupui bawk. Buaina a chhuah venthawn thilah police duty tir ni mah se, buaina thleng a awm lo.

Anwar chuan kum 2008-a a thawhpui hlui mipa pakhat mutpuia puha thiam loh chantir a nih chhan chu a kaihhruaina hnuai eptu pawlin hma a sawn chak avangin sorkar invenna leh mimala a politics dinhmun tihchhiatsak an tumna vang a ni, a ti. Mahse a puhna hi sorkar lam chuan a pha thung.

Kawngzawhnaa telte chuan mipuite chuan thudik tak haichhuak turin aw an chhuah chho zel dawn tih an sawi.

Eptu hruaitu thiam loh chantir a nih dan sawi­seltu zingah hian US pawh a tel a, Malaysia-a dan lekkawh a nih danah zawhna tam tak a siam phah a ni.