NEET, JEE sawn tura dilna hnawl

Supreme Court chuan nimin khan state parukin Joint Entrance Exam (JEE) leh National Eligibility cum Entrance Test (NEET) sawn tura an dilna a hnawlsak. 

Exam sawn tura ngenna hi BJP ni lo sor­karna state paruka minis­ter-ten an thehluh a ni a, mahse court chuan an ngenna hi hnawlsakin ruahman lawk angin exam hi kalpui zel a nih tur thu a sawi. Hemi hma hian court chuan state 11-a zirlaiten exam sawn tura an dilna chu a lo hnawlsak tawh bawk. 

JEE Main exam hi September 1 aṭang khan ṭan niin, zirlai nuai riat chuang an exam a ni. NEET hi Sept. 13 aṭangin neih a ni thung ang.