US leh SKorea-in joint air drill nei

US leh South Korea chuan Thawhṭanni, August 19 aṭang khan kumtina an sipaite nunchan zirna, Ulchi Freedom Shield exercise an buatsaihna hnuaiah joint air drill an nei.

Ram pahnihten annual Ulchi Freedom Shield exercise an neih ṭhin hi an sipaite thawhdunna tih chakna leh, North Korea lam aṭanga beihna an tawh thut atan pawha lo inbuatsaih lawkna atana tih a ni.

North Korea chuan US-SKorea drill neih ṭhin a dodal nasa thei hle a, Korean ram pahnihte ramri inṭawm lai chu South lam hian nuclear ralthuam enchhinna remchanga hmangah a puh ve thung. Kum liamtaa Ulchi freedom Shield neih lai hian North lam hian ballistic missile chu South lam pang bitum hian a lo enchhin a ni.

Thawhṭanni aṭanga neih ṭan, joint air drill hian August 29 thleng a awh dawn a. Kumina khawmual, tuipui leh boruaka drill neihah hian South Korea sipai 19,000 vel an tel dawn niin defence ministry chuan a sawi. US lam chuan America sipai tel tur zat erawh a sawilang lo. Air drill bikah hian South Korea leh US fighter jet 200 chuang an tel dawn a ni.